الالتزام

• الكورس بيعتمد في المقام الأول على مجهودك أنت والتزامك بالمذاكرة.
• لازم تخصص يومياً حوالي 2–3 ساعات لمذاكرة اللغة خارج المحاضرات. خلال فترة الكورس متوقع إن مجموع وقت مذاكرتك يوصل لحوالي 250 ساعة.
• خلال الكورس هتتعلم إزاي تذاكر صح. فمطلوب منك الالتزام بخطة المذاكرة اليومية وتحضير الواجب بعد كل محاضرة علشان تحقق أقصى استفادة من الكورس.
• مستواك في المحادثة هو مستواك الحقيقي في اللغة. معرفة القواعد أو حفظ الكلمات من غير استخدام معناه إنك لسه مش جاهز تنتقل لمستوى جديد.
• لو قدرتك على الكلام أقل من 70٪ من المعلومات اللي عندك، أنصحك تعيد آخر مستوى خلصته مرة تانية (لكن معانا)، علشان تقوي المحادثة وتقدر تكمل المستويات اللي بعدها بثقة. وده مش تضييع وقت، بالعكس، ده أفضل استثمار لوقتك.

 طريقة التعلم داخل الكورس

• أكتر مهارة بنركز عليها في الكورس هي المحادثة، وبعدها الكتابة، وبعد كده الاستماع والقراءة وفهم القواعد.
• المحاضرات بيكون فيها شرح واضح للقواعد، والتعمق في موضوع الوحدة، وتدريب عملي على المحادثة والكتابة، ومناقشة الأسئلة، وإبداء آراء ومقارنات في الجانب الثقافي، مع متابعة تقدم كل مشارك بشكل مستمر.

 نظام الكورس والتواصل

• الكورس بيكون أونلاين على Zoom.
• طريقة الكلام بيني وبين المشاركين في الكورس بتكون بصيغة du (إنت) مش Sie.
• هنعمل جروب واتساب علشان نتواصل بشكل مستمر ونناقش الأسئلة بين المحاضرات.

قواعد الحضور والالتزام

• الدخول للمحاضرة بيكون قبل المعاد بـ 5 دقايق، والالتزام بالمواعيد شرط أساسي للحضور.
• لو حصل تأخير متكرر (أكتر من 3 مرات) من حق المحاضر استبعادك من الكورس من غير استرداد التكاليف.
• تحضير الواجب بعد كل محاضرة إلزامي، ولو ماعملتش الواجب أكتر من 3 مرات ممكن يتم استبعادك من الكورس من غير استرداد التكاليف.
• لازم كل المشاركين يفتحوا الكاميرا طول وقت الكورس (لا يوجد استثناءات)، والميكروفون يكون مقفول ويتفتح بس وقت المناقشة والأسئلة.
• اليقظة والانتباه طول وقت المحاضرة، لما سؤال يتوجه ليك تفتح الميكروفون وتجاوب فورا وتكون متابع المحاضرة كويس. 
• عدم مقاطعة الآخرين نهائيا، تقدر تعمل اشارة رفع اليد على زوم لطلب الكلام والمحاضر بيسمحلك فورا. 

متطلبات مهمة قبل حجز الكورس

• اتأكد إن سرعة الإنترنت عندك كويسة، وإن عندك مكان هادي ومناسب تقدر تحضر منه المحاضرات.
• اتأكد إن عندك ميكروفون كويس (غالباً ميكروفون اللابتوب بيكون مناسب)، وكاميرا واضحة، وكمان الإضاءة في المكان تكون كويسة.